Прва помош: Фебрилни конвулзии

Кај малите деца, нападите – понекогаш наречени конвулзии – најчесто се резултат на покачена телесна температура поврзана со инфекција на грлото, увото или од други инфекции. Овој тип на напад, познат и како фебрилен напад, се јавува затоа што мозочните центри не се доволно зрели за да се справат со високата телесна температура. Иако нападите можат да бидат алармантни, тие ретко се опасни доколку се третираат правилно. Сепак, секогаш треба да побарате лекарски совет за да се исклучи било каква сериозна здравствена состојба.

Знаци на фебрилен напад:

• Силно тресење, со стегнати тупаници и заоблен грб.
• Видливи знаци на треска: топла, зацрвенета кожа и евентуално потење
• Тресење на телото и треперење на лицето, фиксирани или превртени очи
• Го задржува здивот, со црвено лице и врат
• Можно повраќање
• Губење на контролата на дебелото црево или мочниот меур
• Губење на свеста

Како можете да помогнете:

• Поставете перници или меки облоги околу детето за насилните движења да не резултираат со повреди. Не треба да го држите детето.
• Ако нападот на детето бил предизвикан од треска, освежете го со отстранување на постелнина и дел од облека, на пример, маица или пижама; ќе треба да почекате додека не престане нападот. Обезбедете добро снабдување со свеж воздух (внимавајте детето да не настине).
• Откако ќе престанат нападите, одржувајте ги отворени дишни патишта со ставање на детето во положба за опоравување. Повикајте итна помош.
• Следете ги виталните знаци, нивото на свест, дишењето и пулсот додека не пристигне итна помош.