Testet e depistimit

Testet e depistimit janë procedura mjekësore që përdoren për të zbuluar sëmundje ose gjendje shëndetësore te njerëzit që nuk kanë simptoma. Këto teste synojnë të identifikojnë problemet e mundshme shëndetësore në fazat e hershme, kur trajtimi ose ndërhyrja mund të jetë më efektive.

Testet e depisimit rekomandohen nga mjeku pas një diskutimi paraprak me pacientin. Disa nga llojet më të zakonshme të testeve të shqyrtimit janë:

• Mamografia: Ekzaminimi i kancerit të gjirit tek gratë asimptomatike. Një mamografi mund të zbulojë ndryshime të vogla në gji përpara se ato të bëhen të dukshme.
• Kolonoskopia: Zorra e trashë dhe rektumi ekzaminohen për të zbuluar polipe ose anomali të tjera.
• Pap test: Ky test përdoret për zbulimin e hershëm të kancerit të qafës së mitrës.
• Testi i antigjenit të prostatës (PSA): Një test gjaku që përdoret për të zbuluar herët kancerin e prostatës.
• Testi i densitetit të kockave, i njohur si DXA (Absorptiometria me rreze X me energji të dyfishtë): Është një metodë që përdoret për të matur densitetin mineral kockor. Procedurë që përdoret për zbulimin e hershëm të osteoporozës.

Është e rëndësishme të flisni me mjekun tuaj për testet e duhura të shqyrtimit në varësi të moshës, gjinisë, historisë shëndetësore dhe faktorëve të tjerë të rrezikut. Këshilla nga mjeku juaj është e rëndësishme për të përcaktuar se cilat teste janë më të përshtatshme për ju dhe gjendjen tuaj mjekësore.