Vaksinimi

Vaksinimi është një mënyrë efektive për të mbrojtur shëndetin nga sëmundjet e rënda infektive. Marrja e vaksinës aktivizon sistemin imunitar për të krijuar antitrupa dhe aftësinë për të luftuar disa viruse ose baktere specifike. Vaksinimi konsiderohet si një nga masat parandaluese më efektive për të kontrolluar përhapjen dhe paraqitjen e disa sëmundjeve infektive.

Parandalimi i sëmundjeve: Vaksinat janë krijuar për të parandaluar shfaqjen e sëmundjeve të caktuara ose për të reduktuar ashpërsinë e sëmundjeve, nëse аto paraqiten.

Përforcimi i imunitetit: Vaksinat stimulojnë sistemin imunitar për të prodhuar antitrupa me “memorie” për të luftuar në mënyrë efektive kundër disa patogjenëve specifikë.

Mbrojtja e komunitetit: Vaksinimi i një numri të madh njerëzish krijon fenomenin e “imunitetit kolektiv”, i cili mbron edhe grupet vulnerabël, si foshnjat apo ata që nuk mund të vaksinohen për arsye shëndetësore.

Ka shumë vaksina kundër sëmundjeve të ndryshme infektive. Disa nga vaksinat më themelore dhe më të përdorura janë:

Vaksinat për fëmijë:

• MMR (fruthi, shytat dhe rubeola)
• DTP/DTaP (kundër difterisë, tetanozit dhe pertusisit)
• Hib (kundër Haemophilus influenzae tipi b)
• IPV (vaksina ndaj poliomielitit)
• HepB (vaksina e hepatitit B)
• Lisë së dhenve (vaksina kundër lisë së dhenve)
• PCV (kundër infeksionit pneumokokal)
• Rotavirus (vaksina rotavirus)

Vaksinat për të rriturit:

• Td (tetani dhe difteria)
• Tdap (tetanus, difteria dhe pertusis)
• Vaksina e gripit (çdo vit)
• HPV (vaksina kundër human papillomavirusit )
• HepA dhe HepB (vaksinat e hepatitit A dhe B)

Vaksinat për grupet në rrezik shëndetsor:

• Për udhëtarët që udhëtojnë në vende të caktuara: vaksinimi kundër etheve të verdha, tifos dhe të tjera.
• Vaksina kundër gripit dhe vaksina të tjera.

Është e rëndësishme të konsultoheni me mjekun tuaj për këshilla profesionale në lidhje me vaksinimin, veçanërisht duke pasur parasysh gjendjen tuaj aktuale shëndetësore.