Gazrat dhe fryrja e barkut

Simptoma e sëmundjeve gastrointestinale: Gazrat dhe fryrja e barkut.

Gazrat dhe fryrja e barkut ndodhin si rezultat i proceseve normale të tretjes në trupin e njeriut. Procesi i zbërthimit të ushqimit në stomak dhe zorrë gjeneron gazra si një bioprodukt natyror. Gazrat përbëhen kryesisht nga azoti, oksigjeni, hidrogjeni, dioksidi i karbonit dhe metani. Fryrja ose shqetësimi i rëndë nga një sasi e shtuar e gazit në stomak ose zorrë, mund të shkaktohet nga një sërë faktorësh. Disa nga shkaqet përfshijnë ngrënien e ushqimeve me fibra të larta, pijet e gazuara, ngrënien e shpejtë, përdorimin e çamçakëzit dhe disa medikamente. Në shumë raste, menaxhimi i këtyre simptomave përfshin ndryshimin e të ushqyerit, të tilla si shmangia e ushqimeve që shkaktojnë gazra dhe ushqimeve fibroze. Më shumë aktivitet fizik dhe përtypja e duhur e ushqimit mund të ndihmojë në uljen e gazrave. Në rast të simptomave të zgjatura ose intensive, këshilla e mjekut mund të jetë e dobishme për të trajtuar shkakun dhe për të zbatuar një qasje të përshtatshme terapeutike. Gazrat dhe fryrjet mund të jenë simptoma të sëmundjeve dhe problemeve të ndryshme të organeve tretëse. Disa nga shkaqet e mundshme përfshijnë sindromën e zorrës së irrituar, infeksionet e zorrëve, obstruksionin e zorrëve, intolerancën ndaj glutenit, sëmundjet inflamatore të zorrëve, çrregullimet jofunksionale të tretjes. Nëse gazrat dhe fryrjet bëhen të rënda ose shoqërohen me simptoma të tjera, është e rëndësishme të konsultoheni me mjekun, për të identifikuar shkakun dhe për të sugjeruar trajtimin e duhur.

Faktorët më të zakonshëm që mund të shkaktojnë ose kontribuojnë në sëmundjet gastrointestinale janë predispozicioni gjenetik, faktorët neurologjikë, të ushqyeri dhe mënyra e jetesës jo e mirë, higjiena e dobët, infeksionet, barnat dhe kimikatet.

Terapia simptomatike dhe masa parandaluese

Probiotikët mund të ndihmojnë në balancimin e baktereve të zorrëve dhe në përmirësimin e shëndetit të tretjes. Medikamentet kundër gazit mund të ndihmojnë në zvogëlimin e gazrave dhe fryrjet, si simetikoni, mund të ndihmojnë në eliminiminn e gazit. Shmangia e ushqimeve që zakonisht shkaktojnë gazra, si hudhra, brokoli, fasulet, ushqimet me me më pak fibra dhe shmangia e ushqimeve të padëshiruara. Aktiviteti fizik mund të ndihmojë në stimulimin e sistemit të tretjes dhe reduktimin e gazrave. Pini mjaftueshëm ujë për të ndihmuar procesin e tretjes. Është e rëndësishme të konsultoheni me mjekun veçanërisht nëse gazrat dhe fryrjet bëhen problematike ose shoqërohen me simptoma të tjera. Mjeku do të jetë në gjendje të rekomandojë trajtimin më të mirë për rastin tuaj dhe t’ju japë këshilla parandaluese.

Një mënyrë jetese e shëndetshme dhe shëndeti i mirë i tretjes varen nga shumë faktorë. Në të njëjtën kohë, nevojat individuale dhe gjendja shëndetësore duhet të merren parasysh kur rregulloni stilin tuaj të jetesës. Çdo organizëm është i ndryshëm. Mësimi se si trupi juaj reagon ndaj ushqimeve të caktuara dhe përmirësimi i zakoneve të jetesës së shëndetshme mund të ndihmojë në përmirësimin e shëndetit tuaj të tretjes.

• Превентивни мерки против гастроинтестинални болести