Ndihma e parë: Kafshimi nga kafsha

Kafshimet nga dhëmbët e mprehtë të kafshëve shkaktojnë plagë të thella që mund të dëmtojnë indet dhe të shkaktojnë infeksione të rrezikshme. Çdo kafshim që dëmton lëkurën kërkon ndihmën e parë të menjëhershme sepse ekziston rreziku i lartë i infeksionit. Një rrezik serioz është tërbimi, një infeksion viral potencialisht fatal i sistemit nervor. Virusi transmetohet nga pështyma e kafshëve të infektuara. Nëse kafshohet ndokush nga një kafshë, kërkoni kujdes mjekësor pasi viktimës duhet t’i jepen vaksina kundër tërbimit. Mundohuni të identifikoni kafshën, por mos u përpiqni t’i afroheni ose ta kapni atë. Tetanusi është gjithashtu një rrezik potencial pas një kafshimi nga kafsha. Megjithatë, kujdesi mjekësor duhet të kërkohet menjëherë.

Si mund të ndihmoni:

• Lani plotësisht plagën nga kafshimi me sapun dhe ujë të ngrohtë për të minimizuar rrezikun e infeksionit.
• Thajeni plagën me garzë të pastër.
• Më pas mbulojeni me garzë sterile dhe mbështilleni me një fashë.
• Dërgoni të dëmtuarin në spital, pasi shumica e viktimave kanë nevojë për dezinfektimin e plagës, antibiotikë dhe vakcinim.

Plagë serioze:

• Nëse plaga është e thellë apo mungon pjesë indi, kontrolloni gjakderdhjen duke ushtruar presion të drejtpërdrejtë mbi plagën, me një garzë sterile.
• Pasi të ndrpritet gjakderdhja, mbuloni plagën me një garzë sterile dhe fashoeni me fashë.
• Ngrini zonën e lënduar në nivel më të lartë.
• Trajtojeni viktimën për gjendje shoku, nëse ka nevojë. 
• Kërkoni ndihmë mjeksore urgjente.