Ndihma e parë: Alergjia

Alergjia është një reagim jonormal i sistemit mbrojtës të trupit (përgjigjja imune) ndaj një substance normalisht të padëmshme “shkaktare” (ose alergjen). Alergjia mund të shfaqet si kruajtje e lehtë, ënjtje, vështirësi në frymëmarrje ose tretje. Mund të përparojë në anafilaksinë e plotë ose shok anafilaktik, i cili mund të ndodhë brenda sekondave ose minutave pas ekspozimit ndaj alergjenit. Shkaktarët e zakonshëm të alergjisë përfshijnë polenin, pluhurin, arrat e pemëve, butakët, vezët, pickimet e grerëzave dhe bletëve, lateksin dhe medikamente të caktuara. Ndryshimet e lëkurës mund të jenë delikate, të mungojnë ose të ndryshueshme në disa raste.

Shenjat më të zakonshme:

• Zona të kuqe, kruajtje ose zona të ngritura të lëkurës (urtikarie)
• Sytë e kuq, kruajtje
• Frymëmarrje dhe gulçim
• Ënjtje e duarve, këmbëve dhe fytyrës
• Dhimbje barku, të vjella dhe diarre

Si mund të ndihmoni:

• Vlerësoni viktimën për shenja dhe simptoma. Pyete nëse ai ka ndonjë alergji të njohur.
• Hiqni alergjenin nëse është e mundur ose largojeni viktimën nga alergjeni.
• Trajtoni të gjitha simptomat. Lëreni viktimën të marrë barnat për alergjinë e njohur.
• Nëse jeni të shqetësuar për gjendjen e viktimës, kërkoni kujdes mjekësore.
• Telefononi ndihmën e shpejt nëse viktima nuk përmirësohet, ka vështirësi në frymëmarrje ose humb vetëdijen. Monitoroni shenjat vitale ndërsa prisni ndihmë.