Ndihma e parë: Të fikët

Të fikëti është një humbje e shkurtër e vetëdijes, e shkaktuar nga një reduktim i përkohshëm i rrjedhjes së gjakut në tru. Mund të jetë një reagim ndaj dhimbjes, rraskapitjes, dehidratimit, mungesës së ushqimit ose stresit emocional. Është gjithashtu e zakonshme pas periudhave të gjata të pasivitetit fizik, si qëndrimi në këmbë ose ulur, veçanërisht në një atmosferë të nxehtë. Ky pasivitet bën që gjaku të grumbullohet në këmbë, duke reduktuar sasinë e gjakut që arrin në tru. Kur një personi i bie të fikët, pulsi bëhet shumë i ngadalshëm.  Një viktimë nga të fikëti zakonisht shërohet shpejt dhe plotësisht.

Shenjat e të fikëtit:

• Një humbje e shkurtër e vetëdijes bën që viktima të bjerë për toke
• Pulsi i ngadaltë
• Lëkurë e zbehtë, e ftohtë dhe djersitje

Si mund të ndihmoni:

• Kur viktima bie të fikët, këshillojeni që të shtrihet dhe të ngrejë këmbët për të përmirësuar qarkullimin e gjakut në tru. Shikoni fytyrën e tij për shenja shërimi.
• Sigurohuni që viktima të mund të marrë ajër të pastër; kërkoni dikë të hapë një dritare nëse jeni në ambient të mbyllur. Nëse jeni jashtë, kërkoni të gjithë kalimtarët të largohen.
• Ndërsa viktima shërohet, ndihmojeni të ulet gradualisht. Nëse ai fillon të humbasë përsëri vetëdijen, këshillojeni që të shtrihet përsëri dhe të ngrijë dhe mbështesë këmbët derisa të shërohet plotësisht.
• Nëse viktima nuk shërohet shpejt dhe nuk merr frymë normalisht, filloni reanimimin kardiopulmonar dhe telefononi një ndimë të shpejt.