Прва помош: Срцев удар

Срцевиот удар најчесто е предизвикан од ненадејна опструкција на снабдувањето со крв на дел од срцевиот мускул – на пример, поради згрутчување во коронарната артерија (коронарна тромбоза). Може да се нарече и миокарден инфаркт. Главниот ризик е дека срцето ќе престане да чука. Аспиринот може да се користи за да се ограничи степенот на оштетување на срцевиот мускул.

Знаци на срцев удар:

• Нестабилна, силна болка во центарот на градниот кош што може да се шири до вилицата и надолу  кон едната или двете раце. За разлика од ангина, болката не се намалува кога жртвата седи или одмора.
• Скратен здив
• Непријатност во горниот дел на стомакот
• Колапс, често без предупредување
• Ненадејна несвестица или вртоглавица
• Чувство на претстојна смрт
• Сини усни
• Брз, слаб или неправилен пулс
• Профузно потење
• Екстремно гушење за воздух (глад за воздух)

Како можете да помогнете:

• Повикајте итна помош. Кажете му на диспечерот дека се сомневате на срцев удар.
• Наместете ја жртвата во што е можно поудобна положба за да се олесни оптоварувањето на неговото срце. Полуседечка положба, со потпрена глава и рамења и свиткани колена. Поставете перници зад него и под неговите колена.
• Ако жртвата има лек за ангина, како што се таблети, спреј со пумпа или аеросол, помогнете му да го земе.
• Следете ги виталните знаци како што се нивото на свест, дишењето и пулсот додека чекате помош.
• Останете смирени за да избегнете непотребен стрес.
• Ако жртвата се онесвести и не дише нормално, започнете со кардиопулмонарна реанимација, додека стигне брза помош.