Прва помош: Крварење од носот

Крварењето од носот, познато како епистакса, е честа појава и обично не е сериозен проблем. Крварење од носот се јавува кога пукаат мали крвни капилари внатре во ноздрите. Во повеќето случаи, причините за крварење од носот вклучуваат повреда, кивање, чепкање или силно дување на носот. Како можете да помогнете:

• Не дозволувајте лицето да ја наведнува главата наназад, бидејќи крвта може да тече низ грлото и да предизвикува повраќање.
• Кажете му да седне и да ја наведне главата напред за да дозволи крвта да тече низ ноздрите.
• Замолете го да дише низ устата (ова ќе има смирувачки ефект).
• Кажете му да го притисне мекиот дел на носот со два прсти, до десет минути, одржувајќи го константно притисокот.
• Советувајте го да остане мирен , да не зборува, голта, кашла, плука.
• По десет минути, кажете му да го ослободи притисокот. Доколку крварењето не запрело, потребно е повторно да изврши константен притисок до десет минути.
• Откако ќе престане крварењето, советувајте го да се одмори тивко еден час. Кажете му да избегнува физички напор и да не го дува или изплакне носот со вода.
• Ако крварењето од носот е силно или ако трае подолго од 20 минути, веднаш однесете го до најблиската здравствена установа.

Крварењето од носот е сериозно ако пациентот боледува од хемофилија, ако причина се лекови против згрутчување, висок крвен притисок или ако крварењето следи по повреда на главата. Во овие случаи веднаш побарајте хитна медицинска помош.