Прва помош: Треска

Нормалната телесна температура варира, но приближно e до 37ºC. Треска генерално се дефинира како температура над 38ºC. Обично е предизвикана од бактериска или вирусна инфекција и може да биде придружена со болка во увото, воспалено грло, сипаници, менингитис или локална инфекција како што е апсцес. Кај малите деца, треската може да биде симптом или претходник на сериозна болест.

Знаци на висока телесна температура:

• Зголемена телесна температура над 38ºC
• Бледило; жртвата може да чувствува студ, треперење на телото и забите
• Топла, зацрвенета кожа и потење
• Главоболка
• Генерализирана болка

Како можете да помогнете:

• Чувајте ја жртвата покриена и удобна – по можност на кревет со лесна покривка.
• Дајте и многу течности да пие за да ги замени телесните течности изгубени со потење.
• Ако детето изгледа немирно или болно, може да ја земе препорачаната доза на сируп од ацетаминофен (не аспирин). Возрасен човек може да ја земе препорачаната доза на ацетаминофен или ибупрофен или свој лек против болка и висока температура.
• Следете ги виталните знаци на жртвата – нивото на свест, дишењето, пулсот и температурата – додека не закрепне.
• Ако сте загрижени за состојбата на жртвата, однесете го на лекар.
• Ако треската трае долго или ако се појават други симптоми, консултирајте се со лекар за дијагноза и третман.