Прва помош: Отворена фрактура

Отворена фрактура е тип на скршеница каде што коската е испакната надвор, има надворешна рана и крварење.

Како можете да помогнете:

• Не поместувајте ја жртвата додека повредениот дел не се прицврсти и потпре, освен ако е во непосредна опасност.
• Советувајте ја жртвата да мирува.
• Повикајте итна медицинска помош.
• Покријте ја раната со стерилна газа . Притиснете лесно околу повредата за да го контролирате крварењето, внимавајте да не притискате на испакнатата коска.
• Внимателно поставете повеќе стерилни гази над и околу раната.
• Прицврстете со завој, но не толку цврсто за да ја наруши циркулацијата.
• Повредениот дел и зглобовите над и под повредата мора да се имобилизираат, за да нема движење во повредениот дел.
• Третирајте ја жртвата за шок, доколку е потребно. Следете ги виталните знаци, нивото на свест, дишењето и пулсот додека чекате да пристигне помош. Проверете ја циркулацијата низ завојот на секои пет минути. Ако циркулацијата е нарушена, олабавете ги завоите.