Прва помош: Пoвраќање и пролив

Овие проблеми најчесто се должат на иритација на дигестивниот систем. Дијареата и повраќањето можат да бидат предизвикани од повеќе различни организми, вклучувајќи вируси, бактерии и паразити. Тие обично произлегуваат од конзумирање на контаминирана храна или вода, но инфекцијата може да се пренесе  и од човек на човек. Добрата хигиена помага да се спречи заразна дијареа. Повраќање и дијареа може да се појават одделно или заедно. И двете состојби може да предизвикаат телото да губи витални течности и соли, што резултира со дехидрација. Кога ќе се појават заедно, ризикот од дехидрација е зголемен и може да биде сериозен, особено кај доенчиња, мали деца и постари лица. Целта на третманот е да се спречи дехидрација со давање чести голтки вода или незасладен овошен сок, дури и ако жртвата повраќа.

Знаци:

• Гадење
• Повраќање и подоцна дијареа
• Болки во стомакот
• Треска

Како можете да помогнете:

• Смирете ја жртвата ако повраќа, земете топла влажна крпа за да и го избрише лицето.
• Помогнете му да седне и кога ќе престане повраќањето дајте му вода, незасладен овошен сок или замена на електролити за да пие полека и често.
• Кога жртвата повторно е гладна, советувајте ја да јаде лесно сварлива храна како тестенини, леб или компири во првите 24 часа.
• Не давајте на жртвата лекови против повраќање и против дијареа без консултација со лекар.
• Ако повраќањето и/или дијареата се тешки, или жртвата има болка во градите, отежнато дишење или силна абдоминална болка, побарајте лекарска помош.