Ndihma e parë: Trup i huaj në vesh

Nëse një trup i huaj ngec në vesh, mund të shkaktojë infekcion, humbje të përkohshme të dëgjimit duke bllokuar kanalin e veshit. Në disa raste, trupi i huaj mund të dëmtojë daullen e veshit. Fëmijët e vegjël shpesh shtyjnë objekte në veshët e tyre. Kur pastrohen veshët, majat e pambukut shpesh ngecin në vesh. Insektet mund të hyjnë në vesh dhe të shkaktojnë dhimbje e parehati.

Si mund të ndihmoni:

• Mos u përpiqni të hiqni me forcë, ndonjë trup të huaj që është bllokuar në vesh. Mund të shkaktoni lëndime serioze dhe ta shtyni trupin e huaj më thellë.
• Qetsojeni viktimën dhe kërkoni që të ulet.
• Mbështetni kokën e tij, me veshin e prekur sipër. Hidhni butësisht ujë të vakët në vesh, insekti ose trupi i huaj duhet të notojë jashtë. Nëse ky ujë nuk e pastron veshin, kërkoni kujdes mjekësor.
• Organizoni dërgimin e viktimës në spital.
• Kujdesuni për viktimën derisa, të marrë ndihmë mjekësore.