Ndihma e parë: Helmim me barna

Helmimi mund të rezultojë nga një mbidozë e barnave me recetë ose pa recetë. Mund të shkaktohet nga abuzimi i barnave ose ndërveprimi i tyre. Efektet ndryshojnë në varësi të llojit të barnës dhe sasisë së konsumuar. Kur telefononi shërbimet e urgjencës, jepni sa më shumë informacion që të jetë e mundur. Ndërsa prisni që të vijë ndihma, kërkoni prova që mund t’ju ndihmojnë të identifikoni barnën ose barnat.

Si mund të ndihmoni:

• Nëse viktima është në vetëdije, ndihmojeni atë të marë një pozicion të rehatshëm dhe pyeteni se çfarë ka pirë. Qetësojeni atë ndërsa flisni me të.
• Telefononi ndihmë urgjente. Tregojini dispeçerit se dyshoni për helmim me barna.
• Monitoroni dhe regjistroni shenjat vitale – nivelin e vetëdijes, frymëmarrjen dhe pulsin gjatë pritjes së ndihmës.
• Mbani mostrat e çdo materiali të vjellur. Kërkoni prova që mund të ndihmojnë në identifikimin e barnës. Jepini këto mostra dhe prova personelit të ambulancës.
• Nëse viktima humb vetëdijen dhe nuk merr frymë (ose thjesht po gulçohet), filloni me reanimacion kardiopullmonar.