Ndihma e parë: Gjakderdhje nga hunda

Gjakderdhja nga hunda, e njohur si epistaksi, është e zakonshme dhe zakonisht nuk është një problem serioz. Një gjakderdhje nga hunda ndodh kur kapilarët e vegjël të gjakut brenda vrimave të hundës shpërthejnë. Në shumicën e rasteve, shkaqet e gjakderdhjes nga hundët përfshijnë lëndimin, teshtitjen, ngaxmimin ose fryrjen e hundës me forcë. Si mund të ndihmoni:

• Mos lejoni që personi të anojë kokën prapa, pasi gjaku mund të rrjedhë në fyt dhe të shkaktojë të vjella.
• Thuaji të ulet dhe anoje kokën përpara për të lejuar që gjaku të rrjedhë nëpër vrimat e hundës.
• Kërkojini atij të marrë frymë përmes gojës (kjo do të ketë një efekt qetësues).
• Thuaji që të shtypë pjesën e butë të hundës me dy gishta deri në dhjetë minuta, duke  mbajtur presionin konstant.
• Këshillojeni që të qëndrojë i qetë, të mos flasë, të gëlltisë, të kollitet, të mos pështyjë.
• Pas dhjetë minutash, thuajini që të lirojë presionin. Nëse gjakderdhja nuk është ndalur, është e nevojshme të ushtrohet përsëri presion i vazhdueshëm deri në dhjetë minuta.
• Pasi të ndalojë gjakderdhja, këshillojeni që të pushojë në heshtje për një orë. Thuaji që të shmangë sforcimet fizike dhe të mos fryjë apo shpëlajë hundën me ujë.
• Nëse gjakderdhja nga hunda është e rëndë ose zgjat më shumë se 20 minuta, dërgojeni menjëherë në institucionin më të afërt shëndetësor.

Gjakderdhja nga hunda është serioze nëse pacienti ka hemofili, nëse shkaku janë ilaçet kundër koagulimit, nga presioni i lartë i gjakut ose nëse gjakderdhja vjen pas një dëmtimi në kokë. Në këto raste, kërkoni menjëherë ndihmë mjekësore urgjente.