Прва помош: Хипервентилација

Хипервентилација е состојба кога едно лице дише премногу брзо или премногу длабоко, што доведува до намалување на нивоата на јаглерод диоксид (CO2) во телото. Оваа состојба обично се манифестира во акутна анксиозност и може да биде придружена со напад на паника. Може да се појави кај поединци кои неодамна доживеале емоционален стрес или кај оние со историја на напади на паника. Абнормално брзо или длабоко дишење на хипервентилација предизвикува зголемено губење на јаглерод диоксид од крвта, што доведува до хемиски промени во крвта. Овие промени резултираат со симптоми како што се вртоглавица и тремор, како и пецкање во рацете. Како што дишењето се враќа во нормала, овие симптоми постепено се намалуваат.

Знаци на хипервентилација:

• Ненормално брзо дишење
• Брза фреквенција на пулсот
• Кратки паузи во дишењето
• Однесување кое бара внимание
• Вртоглавица или несвестица
• Треперење, потење, сува уста или трнење во рацете
• Пецкање и грчеви во рацете, нозете и околу устата

Како може да помогнете:

• Кога разговарате со жртвата, бидете убедливи, љубезни и смирувачки. Ако е можно, преместете ја жртвата на мирно место каде што ќе може полесно и побрзо да ја врати контролата врз своето дишење. Ако тоа не е можно, замолете ги сите случајни минувачи да си заминат.
• Советувајте го да дише длабоко и бавно. Да вдише низ носот, да го задржи здивот кратко време, а потоа полека да издише низ устата. Ова може да помогне да го врати нормалниот ритам на дишење.
• Не ја советувајте жртвата да дише од хартиена кеса бидејќи тоа може да ја влоши состојбата.
• Вашата цел е да гo натерате да се чувствуваа безбедно за да се смири.
• Бидете свесни дека и сериозни болести може да предизвикуват забрзано дишење и анксиозност. Затоа, охрабрете ја жртвата да побара лекарски совет за превенција и контролирање на паничните напди во иднина.

Aко процените дека има потреба од професионална медицинска нега, веднаш јавете се на брза помош.