Ndihma e parë: Ethet

Temperatura normale e trupit ndryshon por afërsisht është deri në 37ºC. Ethet në përgjithësi përkufizohen si një temperaturë mbi 38ºC. Zakonisht paraqitet nga një infeksioni bakterial ose viral dhe mund të shoqërohet me dhimbje të veshit dhe fytit, paraqitet si shkak i lisë së dhenve, meningjitit ose një infeksioni lokal si abscesi. Tek fëmijët e vegjël, ethet mund të jenë simptomë ose pararendëse e një sëmundjeje të rëndë.

Shenjat e temperaturës së lartë të trupit:

• Rritja e temperaturës së trupit mbi 38ºC
• Zbehje; viktima mund të ndjejë të ftohtë, të dridhura dhe ti kërcëllijnë dhëmbët
• Lëkurë e ngrohtë, e skuqur dhe djersitje
• Dhimbje koke
• Dhimbje e përgjithësuar

Si mund të ndihmoni:

• Mbajeni viktimën të mbuluar dhe të rehatshëm – mundësisht në një shtrat me një mbulesë të lehtë.
• Jepini shumë lëngje për të pirë për të zëvendësuar lëngjet e trupit të humbura nga djersitja.
• Nëse fëmija duket i shqetësuar ose i sëmurë, ai mund të marrë dozën e rekomanduar të shurupit të acetaminofenit (jo aspirinë). Një i rritur mund të marrë dozën e rekomanduar të acetaminofen ose ibuprofen ose qetësuesin e tij të dhimbjes dhe temperaturës së lart.
• Monitoroni shenjat vitale të viktimës – nivelin e vetëdijes, frymëmarrjen, pulsin dhe temperaturën – derisa të shërohen.
• Nëse jeni të shqetësuar për gjendjen e viktimës, dërgojeni te mjeku.
• Nëse ethet zgjasin për një kohë të gjatë ose shfaqen simptoma të tjera, konsultohuni me një mjek për diagnozë dhe trajtim.