Ndihma e parë: Dhimbje barku

Dhimbja e barkut mund të ndodhë përshkak helmimit nga ushqimi. Dhimbja therëse zakonisht ndodh gjatë stërvitjes dhe është e mprehtë. Distensioni ose obstrukcioni i zorrëve shkakton dhimbje barku, një dhimbje që vjen e shkon në valë, e cila shpesh e lë viktimën në agoni dhe mund të shoqërohet me të vjella. Ndonjëherë dhimbja e barkut është një shenjë e një çrregullimi serioz që prek organet dhe strukturat e tjera në bark. Nëse apendiksi çahet ose zorra është dëmtuar, përmbajtja e zorrëve mund të rrjedhë në zgavrën e barkut, duke shkaktuar inflamacion të shtresës së brendshme të zgavrës. Kjo gjendje kërcënuese për jetën, e quajtur peritonitis, shkakton dhimbje të forta që përkeqësohen me lëvizje ose me presion në bark dhe do të shkaktojë gjendje shoku. Një apendiks i përflakur (apendicitis) është veçanërisht i zakonshëm tek fëmijët. Simptomat përfshijnë dhimbje (shpesh duke filluar në qendër të barkut dhe duke lëvizur në anën e poshtme të djathtë), humbje oreksi, të përzier, të vjella, erë e keqe dhe ethe. Nëse apendiksi placaritet, do të zhvillohet peritoniti. Trajtimi është heqja e menjëhershme kirurgjikale e apendiksit.

Si mund të ndihmoni:

• Qetësojeni viktimën dhe bëjeni rehat. Ngrini nëse ka vështirësi në frymëmarrje. Jepini një enë që ta përdorë nëse ka të vjella.
• Aplikimi i një komprese të nxehtë ose të ftohtë në zonën e dhimbjes, në varësi të natyrës së dhimbjes, mund të ndihmojë në zbutjen e muskujve ose në uljen e ënjtjes.
• Mos jepni barna kundra dhimbjes pa konsultim me mjekun, veçanërisht nëse nuk jeni të sigurt për shkakun e dhimbjes.
• Nëse dhimbja është e fortë ose shfaqet me ethe dhe të vjella, telefononi për ndihmë urgjente. Trajtojeni viktimën për shok sipas nevojës. Mos i jepni barna, mos e lejoni të hajë ose të pijë, pasi mund të nevojitet një anestezik.