Прва помош: Рана на окото

Модринки,отоци или крварење може да се појават во очите поради директни удари или повреди со остри, распарчени фрагменти од метал, чакал и стакло. Сите повреди на очите се потенцијално сериозни поради ризикот од губење на видот. Дури и површни гребнатини на окото може да доведат до инфекција, со можност за трајно губење на видот.

Како може да помагате:

• Ставете ја жртвата во полуседечка или лежечка положба и кажете му да ја држи главата мирна. Кажете му да ги држи двете очи мирни бидејќи движењето на очите може да предизвика дополнителна повреда.
• Дајте му на повредениот стерилна газа за да ја држи над повреденото око. Доколку е потребно, лесно прицврстете ја газата со завој додека не се добие лекарска помош. Не вршете притисок врз повреденото око.
• Не допирајте и не обидувајте се да отстраните нешто што е заглавено или залепено во очното јаболко или обоениот дел на окото. Наместо тоа, ставете хартиена чаша над заболеното око и преврзете ја на место.
• Однесете ја жртвата во болница.