Ndihma e parë: Gjakderdhje nga veshi

Kjo mund të jetë për shkak të një plasje (shpuarje) të daulles së veshit, infeksioni të veshit, goditjeje në kokë ose nga një tingulli shumë i lartë. Simptomat përfshijnë dhimbje të mprehta në vesh, marramendje dhe ndoshta shurdhim. Prania e gjakut ose e lëngjeve ujore të ngjyrosura me gjak në veshë mund të tregojnë edhe për një dëmtim më serioz në kokë.

Si mund të ndihmoni:

• Vendoseni viktimën në një pozicion gjysmë të ulur, me kokën të anuar në anën e dëmtuar për të lejuar që gjaku të rrjedhë nga veshi.
• Jepini viktimës një copë garzë për ta mbajtur mbi vesh.
• Mos vendosni asgjë brenda veshit.
• Çojeni viktimën në spital.
• Nëse dyshoni për një dëmtim në kokë, mbështeteni kokën e viktimës në pozicionin që e gjetët dhe telefononi për ndihmë urgjente.