Прва помош: Каснување од змија

Секогаш претпоставувајте дека змијата е отровна кога некој ќе биде каснат од змија. Во зависност од видот на змијата, отровот може да предизвика локално уништување на ткивото, може да ги блокира нервните импулси предизвикувајќи гушење и срцев удар или згрутчување на крвта а потоа внатрешно крварење. Не обидувајте се да ја фатите змијата што ја каснала жртвата. Но, ако е можно, забележете го изгледот на змијата за да им помогнете на лекарите да го идентификуваат вистинскиот противотров.

Знаци после каснување од змија:

• Силна болка, црвенило и оток
• Гадење и повраќање
• Оштетен вид
• Зголемена саливација и потење
• Скратен здив

Како можете да помогнете:

• Смири ја жртвата. Нападот на паника може да го забрза ширењето на отровот.
• Помогнете му на жртвата да легне, со крената глава и рамена. Советувајте ја жртвата да не го поместува каснатиот екстремитет за да спречите побрзо ширење на отровот.
• Повикајте брза помош.
• Каснатиот екстремитет секогаш треба да биде под нивото на срцето.
• Не сечете ја раната со нож, не обидувајте се да го исцицате отровот и не ставајте облоги со мраз.
• Завиткувајте со завој по целата должина на каснатиот екстремитет. Завојот треба да биде лесно стегнат за жртвата да не може да го свитка екстремитетот.
• Следете ги виталните знаци додека чекате итна помош. Повредениот треба да остане смирен и да биде однесен во болница што е можно поскоро.
• Ако жртвата е во несвест и не дише нормално, започнете со кардиопулмонална реанимација.