Ndihma e parë: Ngrirja e gjymtyrëve

Në këtë gjendje, indet e ekstremiteteve, zakonisht gishtat e duarve dhe këmbëve, ngrijnë për shkak të temperaturave të ulëta. Në raste më të rënda, kjo ngrirje mund të çojë në humbje të përhershme të ndjeshmërisë, vdekje të indeve dhe gangrenë. Përshkak se enët e gjakut dhe indet e buta dëmtohen përgjithmonë. Njerëzit që nuk mund të lëvizin për të rritur qarkullimin në të gjithë trupin janë veçanërisht të ndjeshëm ndaj ngricave. Në shumë raste, ngrirja shoqërohet me hipotermi dhe kjo gjendje kërkon kujdesin e duhur mjekësor.

Shenja të ngrirjes:

• Në fillim, ndjenjë ” thumbimesh”.
• Zbehja e ndjekur me ngurtësi.
• Ngurtësimi i lëkurës.
• Ndryshimi i ngjyrës së lëkurës në zonën e prekur: fillimisht e bardhë, më pas me lara dhe blu.
• Gjatë rikuperimit, lëkura mund të jetë e kuqe, e ngrohtë, e lënduar dhe me flluska.
• Aty ku ka gangrenë, indi mund të bëhet i zi për shkak të humbjes së furnizimit me gjak.

Si mund të ndihmoni:

• Zhvendoseni viktimën në ngrohtësi përpara se të ngrohni më tej zonën e prekur nga ngrica.
• Mos e vendosni pjesën e prekur pranë nxehtësisë direkte.
• Mos u përpiqni të shkrini pjesën e prekur derisa të mos ketë rrezik për ngrirje të përsëritur.
• Pasi ta çoni viktimën në një dhomë të ngrohtë, hiqni butësisht unazat, çizmet dhe çdo gjë tjetër që e shtrëngon atë. Shmangni fërkimin e zonës së prekur nga ngrica, pasi kjo mund të dëmtojë lëkurën dhe indet e tjera.
• Vishni viktimën me rroba të thata dhe të ngrohta.
• Vendosni pjesët e prekura në ujë të vakët nën 38 °C. Thajni butësisht dhe aplikoni garzë dhe mbështilleni lehtë me një fashë.
• Ngrini gjymtyrën e prekur për të reduktuar ënjtjen. Një i rritur mund të marrë dozën e rekomanduar të acetaminofenit, ose barnën e tij kundër dhimbjes, dhe një fëmijë, dozën e rekomanduar të shurupit të acetaminofenit (jo aspirinë). Merrni dhe dërgoni viktimën në spital.