Прва помош: Рана на главата

Скалпот има многу мали крвни садови кои се протегаат блиску до површината на кожата, така што секоја повреда или исеченица може да резултира со обилно крварење, што често прави раната на скалпот да изгледа полошо отколку што е. Меѓутоа, во некои случаи, раната на главата може да биде дел од посериозна повреда, како што е фрактура на черепот, или може да биде поврзана со повреда на вратот. Поради овие причини, треба многу внимателно да ја прегледате жртвата со повреди на главата. Дополнително, размислете за можноста за повреда на вратот или ‘рбетот.

Како да помогнете:

• Ако има поместена кожа на местото на повредата, вратете го внимателно на место. Обезбедете ја жртвата.
• Покријте ја раната со стерилна чиста газа. Нанесете цврст, директен притисок врз газата за да запре крварењето и да се минимизира ризикот од шок.
• Завиткајте со завој за да ја прицврстите газата и да го одржите притисокот врз раната.
• Помогнете му на жртвата да легне со подигната глава и рамена. Ако чувствува несвестица, нагон за повраќање, вртоглавица или покажува знаци на шок, јавете во итна помош. Следете ги виталните знаци, ниво на свест, дишење и пулс додека чекате помош.
• Ако во која било фаза лицето ја изгуби свеста и не дише нормално, започнете со кардиопулмонална реанимација.