Ndihma e parë: Djegie nga dielli

Ekspozimi i tepërt ndaj diellit ose rrezeve ultraviolete mund të rezultojë në djegie të lëkurës. Në lartësi të mëdha mbidetare, djegia e lëkurës nga dielli mund të ndodhë edhe në një ditë vere me re ose në dëborë. Disa barna mund të shkaktojnë ndjeshmëri ekstreme ndaj dritës së diellit. Djegiet nga dielli mund të parandalohen duke qëndruar nën hije, duke mbathur rroba mbrojtëse dhe duke aplikuar rregullisht një krem ​ ​​me faktor mbrojtje të lartë. Shumica e djegieve nga dielli janë sipërfaqësore; në rastet më të rënda lëkura është shumë e kuqe dhe mund të shfaqen flluska të vogla. Po ashtu, viktima mund të vuajë nga lodhja e nxehtësisë ose goditje nga nxehtësia.

Si mund të ndihmoni:

• Nëse ka flluska të mëdha ose dëmtime të tjera të lëkurës, kërkoni kujdes mjekësor.
• Mbuloni lëkurën e personit të dëmtuar me veshje të lehta ose peshqir.
• Ndihmojeni atë të futet nën hije ose, nëse është e mundur, në një ambijent të mbyllur.
• Inkurajoni viktimën të pijë shpesh gllënjka ujë të freskët dhe lëngje me elektrolite.
• Ftoheni lëkurën e prekur me kompresa të ftohta ose duke e spërkatur me ujë të ftohtë. Nëse zona është e gjerë, duhet të lajni lëkurën e prekur me ujë të ftohtë për dhjetë minuta.
• Nëse djegiet janë të lehta, një krem ​​ose losion kundër diellit mund t’i qetësojë ato.
• Këshillojeni viktimën që të qëndrojë brenda ose në hije.
• Nëse djegiet janë të rënda, kërkoni kujdes mjekësor.