Прва помош: Труење со алкохол

Алкохолот е напиток кој ја намалува активноста на централниот нервен систем – особено мозокот. Долготрајното или прекумерното внесување на алкохол може сериозно да ги наруши сите физички и ментални функции, а лицето може да потоне во длабока несвест. Постојат и други ризици за жртва од труење со алкохол. На пример: несвесна жртва може да вдиши и да се задави од повраќање; алкохолот ги проширува  крвните садови, така што телото губи топлина и може да се развие хипотермија. Жртвата која мириса на алкохол може да биде погрешно дијагностицирана и да не добие соодветен третман за основната причина за несвест, како што е повреда на главата, мозочен удар, срцев удар или хипогликемија.

Како можете да помогнете:

• Покријте го повредениот со палто или ќебе за да го заштитите од студот.
• Проценете ја жртвата за какви било повреди, особено повреди на главата.
• Повикајте итна помош.
• Следете ги виталните знаци – ниво на свест, пулс и дишење.
• Ако престане да дише, започнете со кардиопулмонална реанимација.