Прва помош: Смрзнатини на екстремитетите

Во оваа состојба, ткивата на екстремитетите, најчесто прстите на рацете и нозете, замрзнуваат поради ниските температури. Во потешки случаи, ова замрзнување може да доведе до трајно губење на осетот, смрт на ткивото и гангрена. Бидејќи крвните садови и меките ткива се трајно оштетени. Луѓето кои не можат да се движат за да ја зголемат циркулацијата низ телото се особено подложни на смрзнатини. Во многу случаи, смрзнатините се придружени со хипотермија и оваа состојба бара соодветна медицинска помош.

Знаци од смрзнатини:

• На почетокот, се чувствот „иглички“
• Бледило проследено со вкочанетост
• Стврднување на кожата
• Промена на бојата на кожата во погодената област: прво бела, потоа шарена и сина.
• При опоравување, кожата може да биде црвена, топла, болна и појава на флуски.
• Онаму каде што има гангрена, ткивото може да стане црно поради губење на снабдувањето со крв.

Како можете да помогнете:

• Преместете ја жртвата на топлина пред дополнително да го одмрзнете погодениот дел.
• Не го ставајте погодениот дел во близина на директна топлина.
• Не обидувајте се да го одмрзнете погодениот дел додека не постои опасност од повторно замрзнување.
• Откако ќе ја внесете жртвата во топла просторија, нежно отстранете му ги прстените , чизмите и се друго што го стега. Избегнувајте триење на погодената област бидејќи тоа може да ја оштети кожата и другите ткива.
• Преоблечете ја жртвата со суви и топли алишта.
• Ставете ги погодените делови во вода што е млака под 40 °C. Исушете нежно и нанесете газа и лесно завиткајте со завој.
• Подигнете го погодениот екстремитет за да го намалите отокот. Возрасен може да ја земе препорачаната доза на ацетаминофен, или сопствен лек за болка, а детето, препорачаната доза на сируп од ацетаминофен (не аспирин). Земете и испратете ја жртвата во болница.