Ndihma e parë: Hiperventilimi

Hiperventilimi është një gjendje ku një person merr frymë shumë shpejt ose shumë thellë, duke çuar në një ulje të niveleve të dioksidit të karbonit (CO2) në trup. Kjo gjendje shpesh herë është një manifestim i ankthit akut dhe mund të shoqërohet me një sulm paniku. Mund të ndodhë tek individët që kanë përjetuar kohët e fundit stres emocional ose tek ata me një histori sulmesh paniku. Frymëmarrja jonormale e shpejtë ose e thellë e hiperventilimit shkakton një humbje të shtuar të dioksidit të karbonit nga gjaku, duke çuar në ndryshime kimike në gjak. Këto ndryshime rezultojnë në simptoma të tilla si marramendje dhe dridhje, si dhe ndjesi shpimi gjilpërash në duar. Ndërsa frymëmarrja kthehet në normalitet, këto simptoma gradualisht zvogëlohen.

Shenjat e hiperventilimit:

• Frymëmarrje jonormale e shpejtë
• Frekuenca e shpejtë e pulsit
• Pauza të shkurtra në frymëmarrje
• Sjellje që kërkon vëmendje
• Marramendje ose të fikët
• Dridhje, djersitje, tharje e gojës ose ndjesi shpimi gjilpërash në duar
• Spazma në krahë, këmbë dhe rreth gojës

Si mund të ndihmoni:

• Kur flisni me viktimën, jini bindës, të sjellshëm dhe qetësues. Nëse është e mundur, zhvendoseni viktimën në një vend të qetë ku ai mund të rimarrë kontrollin e frymëmarrjes më lehtë dhe më shpejt. Nëse kjo nuk është e mundur, kërkoni të gjithë kalimtarët të largohen.
• Këshillojeni që të marrë frymë thellë dhe ngadalë. Të merr frymë përmes hundës, të mbajë frymën për disa sekonda dhe më pas të nxjerë ngadalë përmes gojës. Kjo mund të ndihmojë në rivendosjen e një ritmi normal të frymëmarrjes.
• Mos e këshilloni viktimën të marrë frymë nga një qese letre pasi kjo mund të përkeqësojë gjendjen.
• Qëllimi juaj është ta bëni të ndihet sigurt në mënyrë që të qetësohet.
• Kini parasysh se edhe sëmundje të rënda mund të shkaktojnë frymëmarrje të shpejtë dhe ankth. Prandaj inkurajoni viktimën që të kërkojë këshilla mjekësore për parandalim dhe kontrollin e sulmeve të panikut në të ardhmen.

Nëse gjykoni se ka nevojë për kujdes mjekësor profesional, telefononi menjëherë një ambulancë.