Ndihma e parë: Mbytja në ujë

Mbytja mund të rezultojë në vdekje nga thithja e ujit dhe obstrukcioni i mëpasshëm i rrugëve të frymëmarrjes, nga hipotermia përshkak zhytjes në ujë të ftohtë, nga arresti i papritur kardiak përshkak ujit të ftohtë dhe nga spazma e fytit që bllokon rrugët e frymëmarrjes. Një viktimë e shpëtuar nga një incident mbytjeje duhet të marrë gjithmonë kujdes mjekësor edhe nëse duket se e ka marë veten në atë moment. Uji që hyn në mushkëri bën që ato të irritohen dhe rrugët e ajrit mund të fillojnë të fryhen disa orë më vonë – një gjendje e njohur si mbytje dytësore. Viktima gjithashtu pas shpëtimit mund të ketë nevojë të trajtohet për hipotermi.

Si mund të ndihmoni:

• Shpëtoni viktimën nga mbytja, kini kujdes!
• Nëse e keni shpëtuar viktimën nga mbytja në ujë, ndihmojeni të shtrihet me kokën më të ulët se pjesa tjetër e trupit, në mënyrë që uji të rrjedhë nga goja. Kjo zvogëlon rrezikun e përthithjes së mëtejshme të ujit në traktin pulmonar.
• Nëse viktima është plotësisht i vetëdijshëm. Trajtoni viktimën për hipotermi; zëvendësoni rrobat e lagura me rroba të thata nëse është e mundur dhe mbulojeni me batanije ose pallto të thata, jepini një pije të ngrohtë.
• Telefononi për ndihmë urgjente edhe nëse viktima duket se po shërohet plotësisht, për shkak të rrezikut të mbytjes dytësore. Monitoroni shenjat e tij jetësore – nivelin e vetëdijes, frymëmarrjen dhe pulsin – derisa të arrijë ndihma mjekësore.

Nëse viktima është pa ndjenja pasi është shpëtuar nga mbytja:

• Nëse viktima është pa ndjenja dhe ju jeni vetëm, jepni reanimacijon kardiopullmonar dhe pastaj telefononi për ndihmë urgjente.
• Nëse viktima pa ndjenja fillon të marrë frymë, trajtojeni për hipotermi duke e mbuluar me rroba të ngrohta dhe batanije. Nëse i përmirësohet gjendja, zëvendësojini rrobat e tij të lagura me të thata nëse është e mundur. Monitoroni dhe regjistroni shenjat vitale-nivelin e vetëdijes, frymëmarrjen dhe pulsin derisa të arrijë ndihma mjeksore.