Прва помош: Надворешно крварење

Кога крварењето од рана е обилнa, тоа може да биде драматично и вознемирувачко. Ако крварењето не се контролира, може да се развие шок и жртвата да изгуби свест. Кога третирате рана со обилно крварење, прво проверете дали има останати предмети во раната; внимавајте да не притиснете директно врз останатите предмети, на пример стакло и др.

Како можете да помогнете:

• Отстранете ја или исечете ја облеката толку колку што е потребно за да ја откриете раната.
• Нанесете директен притисок врз раната со прстите користејќи стерилна или чиста газа. Ако немате газа, користете некоја чиста крпа да извршите директен притисок. Ако има предмет во раната, нанесете притисок на двете страни од предметот за да го одстраните од раната.
• Одржувајте директен притисок врз раната за да го контролирате крварењето. Местото на крварење треба да биде над нивото на срцето, за да се намали крварењето.
• Помогнете му на повредениот да легне. Бидејќи може да се развие шок, неговите нозе треба да се подигнат и да се поддржат така што ќе бидат над нивото на неговото срце.
• Јавете се веднаш и побарајте итна медицинска помош.
• Придржете или прицврстете ја газата со завој доволно цврст за да го одржува притисокот, но не толку цврсто што ќе ја наруши циркулацијата.
• Доколку протече крв и преку газата, ставете втора над првата. Ако крвта протече и низ втората газа, отстранете ги и двете и нанесете нова, внимавајќи да притиснете точно во точката на крварење.
• Проверете ја циркулацијата надвор од завојот. Ако циркулацијата е нарушена, олабавете го малку завојот.
• Следете ги виталните знаци – нивото на свесност, дишење и пулс додека чекате да пристигне брза помош.
• Ако жртвата изгуби свест, проценете дали има нормално дишење и пулс, доколку нема, започнете со кардиопулмоналнa реанимација.