Прва помош: Инфицирана рана

Отворената рана може да се контаминира со микроорганизми (микроби). Микробите можат да дојдат од изворот на повредата, од околината, од нечистотијата, од нестерилната газа со која е покриена раната, од честички останати во рана итн. Крварењето може да исфрли дел од нечистотијата; преостанатите бактерии може да бидат уништени од белите крвни зрнца. Меѓутоа, ако во раната остане нечистотија, инфекцијата може да се прошири низ телото. Исто така постои и ризик од тетанус.

Секоја рана што нема да започне да зараснува во рок од 48 часа, најверојатно ќе биде инфицирана. Раната која е со висок ризик од инфекција треба да се третира со антибиотици и жртвата да се имунизира за тетанус.

Знаци на инфицирана рана:

• Зголемена болка на местото на раната
• Оток, црвенило и чувство на топлина околу повредата
• Гној во раната или истекува од неа
• Оток и осетливост на жлездите на вратот, пазувите или препоните

Ако инфекцијата е напредната:

• Знаци на треска, како што се потење, жед, треперење и летаргија

Како можете да помогнете:

• Исчистете ја раната и областа околу раната со вода.
• Ако има крварење, ставете стерилна газа над раната и нанесете умерен притисок околу 5 минути, повторете додека не престане крварењето.
• Измијте ја раната со 3% водород пероксид.
• Исчистете ја раната и околината со бетадин.
• Нанесете антибиотска маст или спреј со широк спектар на дејство, на раната.
• Ставете стерилна газа и завиткајте со завој.
• Еднаш дневно раната се дезинфицира и се премачкува со антибиотик, до заздравување.

Итна ситуација:

• Ако раната е инфицирана советувајте ја жртвата веднаш да побара лекарска помош. Ако инфекцијата е напредната (со знаци на треска, како што се потење, треперење и летаргија), веднаш однесете ја жртвата во болница.