Прва помош: Гушење со храна

Гушењето предизвикано од парче храна или предмет го блокира грлото и спречува кислородот да влезе во белите дробови. Повеќето луѓе го доживеале во одреден момент од животот. Лицето кое се гуши почнува постојано да кашла додека храната или предметот не се отстранат од грлото и не се исчистат дишните патишта. Ако опструкцијата на дишните патишта е тешка и целосна, доводот на кислород во белите дробови се прекинува и ако опструкцијата не се отстрани во рок од неколку минути, лицето може да ја изгуби свеста и да настапува смрт.

Најчестите причини за гушење:

• Недоволно џвакање храна.
• Зборување и смеење додека се јаде.
• Алкохолизирана состојба.
• Невнимание при јадење бонбони, кикиритки и други.
• Малите деца додека играат со разни мали играчки.

Знаци на гушење:

• Тешкотии со дишењето
• Испушта чудни звуци кога се обидува да дише
• Покажува кон грлото или го фаќа вратот
• Ја држи устата отворена
• Лицето му станува црвено-сиво-сино
• Може да изгуби свест

Гушењето поради тешка опструкција на горниот респираторен тракт има потрба од итна интервенција.

Како можете да помогнете:

• Ако лицето е свесно и се мачи да дише, поттикнете го да кашла. Застанете на страна или зад лицето, ставете ја левата рака под неговите гради, наведнете го на половината така што горниот дел од телото да е паралелен со земјата, а со дланката на десната рака изведете пет удари по средина на грбот. Малите деца ги легнувате со стомак на скут и со дланката на десната рака изведете пет удари по средината на грбот.
• Ако лицето е свесно но не може да дише, да кашла и се гуши, веднаш започнете со маневрот Хајмлих, систем на абдоминални потисоци за исфрлување на опструкцијата од грлото и ослободување на дишните патишта. Застанете зад лицето со едната нога малку пред другата за рамнотежа. Ставете ги рацете околу неговата половина, некаде над папокот, каде левата дланка во вид на тупаница ја фаќате со десната дланка. Притискајте силно во абдоменот, кон назад и малку нагоре.
• Ако лицето веќе изгуби свест, треба внимателно да се легне на грб. Пробајте да го отстраните предметот од неговото грло. Користете ја вашата лева рака за да му ја држите брадата и отворите устата . Со показалецот во форма на кука од вашата десна рака обидете се да го отстраните туѓиот предмет од грлото на лицето во бесознание. После почнете со кардиопулмонална реанимација за да се спаси неговиот живот. Тука веќе, веднаш се повикува хитна медицинска помош.