Ndihma e parë: Ngërçe muskulore

Kjo gjendje është një spazmë e papritur e dhimbshme në një ose më shumë muskuj. Ngërçet zakonisht shfaqen gjatë gjumit. Ato mund të zhvillohen edhe pas ushtrimeve të forta, për shkak të grumbullimit të mbetjeve të ndryshme kimike në muskuj ose për shkak të humbjes së tepërt të kripërave dhe lëngjeve nga trupi nëpërmjet djersitjes ose dehidrimit. Ngërçet shpesh mund të lehtësohen duke shtrirë dhe masazhuar muskujt e prekur.

Si mund të ndihmoni:

Ngërçe në këmbë

• Ndihmoni të dëmtuarin të qëndrojë me peshën e tij në anën e përparme me gishtat e këmbëve; Pasi të kalojë spazma, masazhoni pjesën e prekur të këmbës me gishta.

Ngërçe në muskujt e nëngjurit të këmbës

• Ndihmoni të dëmtuarin të drejtojë gjurin dhe të mbështesë këmbën. Përkulni këmbën drejt nëngjurit për të shtrirë muskujt, më pas masazhoni zonën e prekur në pjesën e pasme të nëngjurit.

Ngërç përpara kofshës

• Ndihmojeni viktimën të shtrihet. Ngrini këmbën dhe përkulni gjurin për të shtrirë muskujt. Masazhoni muskujt e prekur pasi të kalojë spazma.

Ngërçe në pjesën e pasme të kofshës

• Ndihmojeni viktimën të shtrihet. Ngrini këmbën dhe drejtoni gjurin për të shtrirë muskujt. Masazhoni zonën pasi të kalojë spazma.