Ndihma e parë: Djegiet

“Djegia” zakonisht përdoret si një term i përgjithshëm për dëmtimin e lëkurës ose indeve të tjera që vijnë nga ekspozimi ndaj zjarit, nxehtësisë, kimikateve, energjisë elektrike ose agjentëve të tjerë. Kini kujdes kur trajtoni djegiet termike që janë të thella ose të gjera. Nëse viktima është lënduar nga zjarri, supozoni se tymi i ka përfshirë rrugët e frymëmarrjes dhe mushkëritë e tij. Një viktimë e djegur rëndë ka të ngjarë të bjerë në gjendje shoku dhe të për trajtim të menjëhershëm spitalor.

Kujdes!

• Mos hiqni asgjë që ngjitet në pjesën e djegur, sepse mund të shkaktoni dëme të mëtejshme dhe të infektoni plagën.
• Mos i prekni flluskat dhe mos vendosni akull ne plagë.
• Mos aplikoni kreme ​​ose pomadë në zonën e djegur; mund të dëmtojë indin dhe të rrisë rrezikun për infeksion.
• Nuk rekomandohet përdorimi i lëndëve speciale, spërkatësve dhe xhelave për ftohjen e djegieve.
• Mos vendosni gazëra, fashë apo leckë direkt në pjesën e djegur.
• Nëse viktima ka djegie në fytyrë, mos e mbuloni plagën – ju mund t’i shkaktoni viktimës siklet dhe të pengoni frymëmarrjen.

Si mund të ndihmoni:

• Filloni të ftohni plagën sa më shpejt që të jetë e mundur me ujë të ftohtë nga rubineti, por mos vononi që ta çoni viktimën në spital. Ndihmoni gjithashtu viktimën të ulet ose të shtrihet. Nëse është e mundur, përpiquni të parandaloni që sipërfaqja e djegur të vijë në kontakt me tokën.
• Thirrni shërbimet e urgjencës, lërini dikë ta bëjë këtë ndërkohë që ju ftohni plagën.
• Vazhdoni të ftohni zonën e prekur për të paktën dhjetë minuta ose derisa dhimbja të qetësohet. Kujdesuni për shenjat e vështirësisë në frymëmarrje. Mos e lagni tërë trupin e viktimës sepse mund ta ulni temperaturën e trupit në një nivel të rrezikshëm. Ky është një rrezik i veçantë për foshnjat dhe të moshuarit.
• Mos i prekni djegiet. Hiqni butësisht unazat, orët, rripat, këpucët dhe veshjet. Mos hiqni rrobat që janë ngjitur në plagë.
• Kur plaga të jetë ftohur, mbulojeni me mbështjellës plastik për ta mbrojtur atë nga infeksioni. Një qese plastike e pastër mund të përdoret për të mbuluar një krah ose këmbë të djegur; sigurojeni lehtë me një fashë.
• Monitoroni shenjat e tij jetësore – nivelin e vetëdijes, frymëmarrjen dhe pulsin – ndërsa prisni që të vijë ndihma e urgjencës mjeksore.