Прва помош: Повреда на главата

Повредите на главата се опасни. Тие се потенцијално сериозни бидејќи можат да доведат до оштетување на мозокот, ‘рбетниот мозок во вратот и фрактури на черепот. Мозокот лежи во черепот, заштитен со течности и затоа лесно може да се повреди со удар во главата. Оваа повреда е позната како потрес на мозокот и често предизвикува привремено губење на свеста. Компликациите од потрес на мозокот може да влијаат на размислувањето, концентрацијата и емоциите. Тие можат да предизвикаат проблеми со меморијата и рана деменција. Ако жртвата претрпи силен удар во главата, тоа може да предизвика крварење или оток во мозокот и е состојба која бара итен медицински третман. Тежината на повредата на главата зависи од механизмот на повредата и нејзиното влијание врз мозокот.

Побарајте лекарска помош ако забележите знаци на влошување на состојбата:

• Зголемена поспаност
• Постојана главоболка
• Конфузија, вртоглавица, проблеми со рамнотежата
• Губење на меморијата
• Тешкотии во зборувањето
• Тешкотии при одење
• Епизоди на повраќање по повреда
• Двоен вид
• Kонвулзии

Проценете го нивото на свест на жртвата. Проверувајте ја жртвата во редовни интервали, обрнувајќи особено внимание на какви било промени и дали состојбата на жртвата се подобрува или влошува.

Проценка на свестност:

• Дали има отворени очи и дали одговара на прашања?
• Дали може да одговори на едноставни прашања и да ги следи наредбите?
• Дали се движи или ги отвора очите ако го допреме?
• Дали реагира на некаков стимул?

Како може да помагате:

• Седнете ја жртвата и дајте му ладна облога за да ја држи врз повредата. Направете проценка на нивото на свест. Третирајте рана на главата, ако има со стерилна газа и директен притисок врз раната.
• Редовно следете ги виталните знаци – дишењето, пулсот и нивото на свест. Обрнете особено внимание на промените во нивото на одговор.
• Проверувајте ја жртвата во редовни и чести интервали.
• Не дозволувајте му на жртвата да се движи , додека не се однесе на лекар и процени здравствената состојба.
• Известете ја брзата помош или испратете ја жртвата во болница.

При сериозна повреда на главата:

• Јавете се на брза помош – кажете му на диспечерот дека жртвата има сериозна повреда на главата. Редовно следете ги виталните знаци – дишењето, пулсот и нивото на свест – додека чекате да пристигне помош. Направете го тоа во положбата во која е пронајдена жртвата – не ја поместувајте жртвата поради зголемен ризик од повреда на ‘рбетниот мозок и вратот. По потреба, користете го методот на потиснување на вилицата за да му ги отворите дишните патишта.