Прва помош: Мускулни грчеви

Оваа состојба е ненадеен болен спазам во еден или повеќе мускули. Грчеви најчесто се јавуваат за време на спиењето. Тие можат да се развијат и по напорни вежби, поради таложење на разни хемиски отпадоци во мускулите или поради прекумерно губење на соли и течности од телото преку потење или дехидрација. Грчевите често може да се ублажат со истегнување и масажа на погодените мускули.

Како можете да помогнете:

Грчеви во нозете

• Помогнете му на повредениот да застане со својата тежина на предната страна со прстите на ногата; Откако ќе помине спазмот, масирајте го зафатениот дел од ногата со прстите.

Грчеви во мускулите на потколеницата

• Помогнете му на повредениот да го исправи коленото и поддржете го стапалото. Свиткајте го стапалото нагоре кон потколеницата за да ги истегнете мускулите на потколеницата, а потоа масирајте ја погодената област на задниот дел од потколеницата.

Грч во предниот дел на бутот

• Помогнете му на жртвата да легне. Подигнете ја ногата и свиткајте му го коленото за да ги истегнете мускулите. Масирајте ги погодените мускули штом ќе помине спазамот.

Грчеви во задниот дел на бутот

• Помогнете му на жртвата да легне. Подигнете ја ногата и исправете го коленото за да ги истегнете мускулите. Масирајте ја областа откако ќе помине спазмот.